بلا مقدمات

ضحك دموع الليل دا العمر صبره قليل

وقلبي ليه بيميل وابعد ولا تنسي

أصل الحياة إنسان

لكن مالهوش لسان

ويا الهموم بيبان

علشان مالوش قصه

عيش ويا أحزانك

وادفي بحنانك

دا الحظ لو خانك

والدنيا مش حاسة

تبقي الدموع ف عنيك

وقلوب بتقسي عليك

ولا حد يحس بيك

أصلك ضعيف لسه

قوم قوي إيمانك

وابعد عن أحزانك

ولاعب أيامك

وحبلك مره

أصل القوي بيعيش

عايز جناح من ريش

وبرضه ميكفيش

علشان عينيه فارغة

لكن الضعيف محتاس

يشرب هموم بالكاس

ويبقي بين الناس

موقوف علي قشه

لكن اللي حظه هداه

سلم امره لله

وبدأها مع الحياة

قشه ورا قشه

الصراحة

قاعدين علي القهاوي

ونحكي ف الحكاوي

وسايبين كل البلاوي

ومعدش فيه مداوي

بنغني ويا روحنا

ومين يرحم جروحنا

قتيل وفيه دبحنا

وربنا يسامحنا

الست ياست عليت واتملكت أساس

والحق تاخدوه انتم والباقي راح لناس

وإذا قولت بالصراحة

عندي طلب التماس

احبك يارسولي

احبك يارسولي بلا هوادة

وحبي إليك ما بعد العبادة

واصبح ذكرك ف القلوب أهم عاده

احبك يارسولي بلا هوادة

احبك ياحبيب العالمين

احبك خير خلق الله فينا

احبك يامن بدينك مصطفينا

احبك يارسولي بلا هوادة

بحقك يا محمد ياحبيبي

فأنت من القلب قريب

والقلب يحيا بذكر الله وذكرك يا حبيبي

احبك يارسولي بلا هوادة

واسمي من صفاتك قد تحلي

وقلبي عن سواك قد تخلي

وعن كل شيء قد تدلي

فدعني أراك ياخير البرية

اعتذار

اعتذار من قلبي ليك

يعتذر انه شاريك

او انه فكر مره فيك

عارف أنت كان زمان

قلبي كان كله أمان

واحتياجه كان حنان

كان لي مبدأ ليه بعود

حضن طيب ليه شهود

كاره القيد والقيود

جتلي غفلة من مشاعري

واختلف قلبي وعقلي

مغرور

غرورك يخون قلبك وتبقي شهريار

مش بحكمه ولا بجماله ولا ملكه

لكن بغدره بأحبابه وظلمه

عمرك ماتعرف غلطك وتداويه

بتضحك علي حبيبك وتاخد الحق ليك مش ليه

عارف لأنك بسمة حلوة ف دنيتي

قلبت دموع مالهاش نهاية

ورجعنا تاني للبداية

عارف ان قلبي عمره ماتمني الخداع

من بعد حبك قلبي حاسس بالضياع

بالرغم من انك قتلته بسيف وخنجر

يقلب يثور قلبي وف ثانيه يغفر

مدرستي

مدرستي كان لكل ذره فيكي روح

عطر المحبة مابين حيطانك كان يفوح

كانت قلوب اهلك زي دار وباب مفتوح

ليه يا حبيبتي بقيتي طير مدبوح

من المدير والله بحبك للغفير

كان للوفا والحب فيكي مكان كبير

وراحو الحبايب بالسلامة وكل خير

ومعدش فيكي إلا ذكري عطرها عطر العبير

معدش فيكي للحياة عنوان

ومابين حيطانك بهتت الالوان

نزف الوريد ونزف معاه الشريان

منزفش دم لا دا نزف نسيان

وما بين ظلامك قعدت سرحانه

ومن الملل والوحده زهقانه

وفجأه جتلي ضحكه بهتانه

وقالتلي انسي الهم وابقي ويانا

الضحكه كانت ضحكه طفوليه

ضحكه ضعيفة بس مقويه

قلبت حياتي بقدره سحريه

كأنها طيف أو فعل جنيه

ماما سوزي

ياست ماما خلي بابا يحس بينا حبتين

ليه ياماما بابا نازل ضرب فينا من سنين

هو عايش وانتي عايشة وقلبنا احنا الحزين

اسمعيني ياماما نفسي اقولك الف سين

جرحو فينا ياماما وانتو ليه متكتفين

بابا مش سامع ياماما ولا بقي م المكفوفين

قربي ودانك ياماما عاوزة اقولك كلمتين

نفسي اكلم بابا مره ولا اقولك ....مرتين

ليه سايبنا بننجرح وساكت هو فين؟

هو انتي ياماما برضه ويا بابا زعلانين

هو بابا ياماما طيب ولا هو بذمتين

طب قوليلنا ايه غلطنا داحنا والنبي غلبانين

نفتكر لو شفنا بابا راح نقوله كنت فين؟

بس بنشوفو ياماما بنبقي عمي وخرصانين

أصل هو برضه بابا وطاعته واجبه ف كل دين

بس هو واجبه برضه يرد عنا المغرضين

اسأليه أنتي ياماما

هو فين ؟؟؟؟؟؟

هو فين؟؟؟؟؟؟؟؟