الجمعة، 29 يناير 2010
القرار الصعب
مين اختار البعد اسأل ضميرك
ومهما بعدت وضعت وتهت
مش ها تلاقى احن عليك من حضن حبيبك
شوف كام مره جرحت ف قلبي وهنت عليك
شوف الحلم اللي أنت بنيته وبرضه هدمته بنفس أيديك
حضن حبيبك تقسي عليه
قولي انا هاعمل بعدك ايه
كتير حاولت انساك
وأنسى اللى عشتة معاك
لايوم طاوعنى قلبى
ولا يوم طاوعنى هواك
ومهما بعدت وضعت وتهت مش ها تلاقى احن عليك من حضن حبيبك
لازم ها ترجع يوم تحتاج حنان قلبى
ومهما الليالى تطول محتاج تكون جمبى
ومهما بعدت وضعت وتهت
مش ها تلاقى احن عليك من حضن حبيبك
وخدت القرار الصعب وبعدت عن حبيبك
مين اختار البعد اسأل ضميرك
ومهما بعدت وضعت وتهت
مش ها تلاقى احن عليك من حضن حبيبك
الصمت
الصمت مش معناه خرص
الصمت صوت بيرن رنات الجرس
الصمت فن ميعرفوش غير حد ناوي يعيش سعيد
الصمت دنيا وكل أيامك تعيشها جوه عيد
الصمت قوة وكبرياء
بيعلمك معني النقاء
الصمت مفقود ف البشر
والغش وكلام الرياء
زاد وانتشر زي الوباء
مستغربين علشان بيطلع مني صوت
عاوزني ايه ادفن علاقاتي واموت
انا يوم ما قررت اني اسكت كانلي قوانين للسكات
مش هابقي زي اللي فضل يكتم ف صوته وطق مات
اسكت عن اللي مالوش جوة حياتي وجود
اسكت عن اللي اخطأهم مالهاش ردود
اسكت ف حالات الكلام بيجيب الم
اسكت وسط الكلام اللي يودي للعدم
الحلم الضائع
حلمت بيك حلم انتهي
مع انه لسه مبتداش
ونسينا أحلامنا البريئة
اللي أتواعدنا متتنساش
وغصب عنا قسيو علينا
وشدو أيدي من أيديك
وجرحوا القلب اللي ساجد
يدعي ماتفارقوش عنيك
جاي النهارده تهد كل اللي أتبنا
قلبي أتصدم وطلعت مخدوعة أنا
هو مين فينا البرئ مين أتظلم
أنا ولا قلبي اللي اندفن جوه الألم
أنا كنت تايهة وجيت لقيت الدنيا دي مش دنيتي
وكنت فكراك طير برئ طلعت ليه من جنتي
ياخسارة الحب اللي حبيته لغريق
سابني أنا ودموعي من وسط الطريق
الاثنين، 25 يناير 2010
حقك يامصر
جايز يامصر يكون دا حقك اللي راح يترد
5 اهرامات وقلعة ومنارة ومسله وسد
هزمتي الاسود يلا شدي الاراده
وباقي القرود واهي جايه الاعاده
وانا بسمع الماطش زاد نبض قلبي وزاد الاندهاش
جول جبنا فينا وجون جبنا فيهم وخلص المعاد وفوزنا مجاش
وزاد نبض قلبي وقلوب كل بيتنا وقلوب الجيران
وفرحتنا خافت وجريت وفطت زي الفيران
وفجأه ..... الفيران اللي خافت قلبت وحوش
وصرخت وقالت خلاص انتو فوزتو وميهمكوش
وزادت اراده ولادنا الوحوش
وجه جون مجاش وبرضه اتحسب
دا ربك اراد ويالا العجب
وبدعي بقلبي وكل كياني
انا نفسي افرح ومش عاوزة اعاني
وحقي يعود وامحي كل اللي فات
تعالو بقوة وقولو يارب انت عالم بحالنا
زمان انهزمنا وبرضه انضربنا
وجه وقت رد المظالم وانت الكبير
واخر كلامي فيه انذار
لمنتخب مصر كونو شعلة نار
هاتولنا انتصار
الأحد، 24 يناير 2010
كشكول الاحلام
انا عاملة لأحلامي كشكول
أوراقة مرصوصة بالطول
ارسم فيها الحلم الوردي
يقلب لونه رمادي ويصرخ لازم ترضي
ارضي بايه ؟؟؟
حلمي الضايع وسط ضباب الكون ؟؟؟
ولا الرسومات المرسومة بنفس اللون ؟؟؟
ارضي بايه ؟؟؟
ارضي بكسر جدار القلب ؟؟؟
ولا بحلمي اللي مليت أيامي بلونه وفجأة أتكب ؟؟؟
ارضي واسكت خالص خالص!!!!!!
لا مش هاسكت ها فضل أقول
هافضل أرص الأوراق فوق بعضيها بالطول
خرابيش
اذا كان طناشي انا ع اللي صدر طيبه
هافضل اقول ع الدنيا دي عجيبه
اطلع لسابع سما ........... انزل لاخر ارض
اطلع من الكارثه الاقيني في مصيبه
طأطأ طؤ
حرك قلبي وخلاه يدؤ
طأطأ طؤ
اوعي لقلبي ف مرة تزؤ
طأطأ طؤ
ايوة انا قلبي ف حبه مثالي
بس اما اغلط اوعي تدؤ
طأ طأ طوء
حرك قلبي وخلاه يدؤ
طأطأ طؤ
اوعي لقلبي ف مرة تزؤ
طأطأ طؤ
ايوة انا قلبي ف حبه مثالي
بس اما اغلط اوعي تدؤ
طأ طأ طوء
الله عليك طباخ كبير طبخت مصر ف طبختين
عصير هباب شربة بلاوي لا وايه المحشي طين
يانهار ملون لون حزين
طب يلا قولي السفرة فين
يا صيدلاني الهوي اديني برشامه
تداوي جرحي انا ومتسيبش ليه علامه
او حتي شربة دوا طعمه يكون مقبول
اتخبي فيه م الهم وانسي اني بردانه
فازت قلوب البشر وخسرت انا قلبي
معرفش ايه ذنبهم ولا عارفه ايه ذنبي
فيه اللي خان او جرح وفيهم المقتول
وفيه يحط السم جوة كلام معسول
اااااه يامصر
هاصلح ايه عشان تبقي كريمة يامصر
كلام الناس في سيرتك بيعصر جوة قلبي عصر
هانوكي ولادك اللي مكنش فيهم بار
ميعرفشي ان بأهانتك يروح النار
يا اغلي عليا من روحي متضايقيش
رمو اسمك ف دور الشر جوة أفيش
متضايقيش
مسير اللي طرف عينك
يعود ويبوس ف رجليكي وعلي جبينك
انا اسفة حقيقي يامصر سامحيني
وبردانه وحزنانة ف حضنك يلا خبيني
وانا ف حضنك قوليلي اوجاعك ومتخبيش
وعشان خاطري ياروح قلبي متضايقيش
ف احزانك واوجاعنا حضناكي وحضنتينا
بنجرح فيكي وانتي من طيبتك تداوينا
وشيلانا وحميانا وصينانا
ورد جميلنا وياكي قتلناكي
وعمرك يوم ماهنتينا
وجعنا ضرب حكامك
لكن انتي حضنتينا
وباديكي مسحتي كل اوجاعنا
ولا مرة ضربتينا
قتلناكي ياحرة
وانتي صونتينا
الصبر وحداني !!!
دا حتي الصبر وحداني
أهييييييييييييييييين ياني
هانشكي لمين ونحكي لمين مواجعنا
مفيش ف الكون دا حد يناس هايسمعنا
خلاص الصبر عزل من قلوب الناس
ووسط الناس مفيش اخلاص
مانا زيك كمان صابر وشارب من كيعاني المر
اهي حياتنا وسايبنها ساعات واقفه وساعات بتمر
هانعمل ايه ؟؟؟؟
هانحزن ؟؟؟
مش هانلقي لاحزانا ف يوم اخر
ونفرح ثانيه ف حياتنا نلاقي الفرح متاخر
خلاص نسكت ونشرب من مواجعنا
ونستني يطيب الجرح ونلقي حد سامعنا
وراح ننساك ياصبر خلاص
مادام انت اللي بايعنا
الاشتراك في:
الرسائل (Atom)