لسة الدنيا بخير

في يوم تلقاه ماليه الخير

ويوم قاسي ويوم طيب

ونضحك يوم بدون تفكير

ونلقي همنا يشيب

روتين عايشينه في حياتنا بدون تغيير

ونستورد هموم الناس

وافراحنا دي للتصدير

بتضحك مش مصدقني

صحيح فعلا دي دنيتنا ولسه بخير 

لكن لازم عشان تظبط نعيد تفكير 

تصور تبقي لحياتنا خطوط للسير 

وفعلا صح دي الدنيا دي لسه بخير

يامصر اولي مؤلفات اخي الصغير

مصر والجزائر

عن حبك انا جاي اتكلم....وأقولك كلمة تليق بيكي

لو هافضل طول عمري اتكلم....ولا مليون سنة هاتكفيكي

وسيبيني شوية انا اتكلم....عن ناس غلبوكي وضربوكي

كلمة ناس ماتليقش عليهم....حرامية وهجانة خانوكي

دي بطولة يا مصر ولايهمك....لا يهزك ولا يحرق دمك

ولا كاس العالم هايزيدك....ولا ظلم العالم هايهمك

انسي يامصر...إنسي يا مصر...إنسي يا مصر ولا يهمك

بنحبك غالبة ومغلوبة.....ماهي كورة والكورة ملعوبة

لابناخد ماتش بسكاكينا....ولا بنموت من ضربة طوبة

اتغلبي يا مصر..اتغلبي يا مصر ...بنحبك غالبة ومغلوبة

غلبونا بكترة سكاكينهم....لأ واحنا ماكناش فاهمينهم

فاكرين رايحيين نلعب كورة....ولقينا الغدر طالع منهم

لو غلبونا بس هاينفع....ولو ضربونا بس ينفع

لا غلبونا وضربونا....والخبطتين فالراس توجع

ولا شكوي لفيفا هاتنصفنا....ولا الف يونيسكو هاينفعنا

شاكيناكي لربك ياجزائر ....ماهو هو وبس اللي سامعنا

ودموعك غالية يابوتريكة....وياريت مانشوفها علي خدودك

إرفع راسك ياحبيب والديك....دي اصالة وبانيينها جدودك

لو غلبو فمرة اوانتصرو....فاحنا بطولاتنا متتعدش

افريقيا وعربية وقارات....بتعد فايه لأ ماتعدش

يا مبارك هات حق ولادك....دي اوامر بيقولها جدادك

اسمع من خوفو ومن خفرع....يا مبارك هات حق ولادك

ده علاء ابنك لما اتكلم....كان هايبكي الشعب يوميها

دانا شوفته يومها بيتألم....وكأنه شاب فحواريها

اتكلم عن شعب بحاله ....بات يتألم يوم ويومين

اتكلم عن جرح بينزف..مش هايطيب ولا بعد سنين

زعلان علي اخته اللي انضربت ....واللي انداست بالرجلين

وحياه العلم اللي انداس....والنسر فوسطيه بيولع

لنعرفها لكل الناس.....وهاننسا المصري اللي ادلع

اليك يا اعز الناس

احساسي بيك مش عارفه اقوله ولا اوصفه

احساس بـريئ طــاهر وثـابت موقفــــــــــه

احساس بطعم ولــــــون وريحه للحيـــــــاه

فرحـــــــه وسعاده وصلت بقلبي لمنتهــــاه

وكــــــاني عشت حياتي  ضلمه جوة سور

وطلعت منهــــا بكل قـوة لالف نـــــــــــور

اسمك محـــــــــا كل الزنوب من جوه قلبي

اسمك اخدني للطريق الصح ايوة مش هاخبي

وبعــــــــــد كــــــــــــل سعــــادتي بيـــــــــك 

ومـــــــــن فـــــرحتي وهبت كـــــل حياتي ليك

وفجــــــــــــأه  كــــــــل شيء انهــــــــــــــــدم

وعرفت ايــــــــــــه طعم العزاب ويـــــــا اللالم

زرعو مابين قلبي وقلبك الف قضبان من حديد

وحكمهم علي قلبنا كان قاسي جدا كان شديـــد

وبـــــــــرغم ان الحكــــــــم صادر ضدنـــــــــا

سبنـــا قـلــــوبنـــــا لبـعـضـنــــــــــــــــــــــــا

ووقفت انــــــــــــــــــــا من جـــــوه ســـــــور 

ومعـــــــــدش عنــــــــــدي اي نــــــــــــــــــور

غير الحــــــــــــــــــــــــــــــــــــــــروف الطيبه

الـــلـي لقـــــــــــــــــــــــــــــــــــــــــلبي قريبه

مهما يحاولـــــــــو يغيرونا ويقتلو الحلم الكبير

انت اللي ف ضلــــــــــــــــــــــــــــــــوعي اثير

مستحيل يمحــــــــــــــــــــــو ملامك جوة مني

وانـــــــــــــــــــــــــــــــــا بوعدك دلوقتي اني

هافضل احبك مهما عدي العمر بينا ومهما دار

هافضل احبـــك حتي لو حرقوني جوه الف انار

ولان حبك شيء حقيقي معموش مجرد اختيار 

دلوقت بس من غيـــــــــــــر رجوع خدت القرار 

هـافضل احبك 

ولحد اخـــــــــــــــــــــــــــــــــر لحظه من عمري 

هافضل احبك

نفسي

نفسي ابقي نسمه طايره ف السما
نفسي ارجع بالزمن
نفسي كل حياتي تبقي ملحمه
نفسي ابيع من غير تمن
نفسي ابقي زي شمس وكلي خير
بس هاتقرب عليا هاتلقي نار والف ويل
نفسي اعيش ف دنيا غير
وكل صفحة حزن فيا تنطوي
نفسي قلبي مجيش ف مره وينكوي
وابقي تلج وابقي نار
وامحي من قلبي المرار
وابقي زي فراشه طايره وزي طير
وتبقي كل الدنيا عندي شكل غير
نفسي انام ونفسي افرح للنهايه
وهي دي كل الحكايه

انا مش ضعيفه

انا مش ضعيفه بحبي ليك انا اقوي م الناس كلها

احلامي بيك راحت خلاص وعمري يوم ماهاروحلها

عارف لان الليل طويل

وقلبي جرحه نار وويل

عارف لانك كنت فعلا جوه مني

ونسيت كمان ان انت قلت عليا اني

قلت اني كل دنيتك ونور عنيك

ازاي خلاص نسيت غرامي وهان عليك

ماتقولي ازاي ازاي ازاي

ازاااااااااااااااااااااااااااااااااااااي

جــــــــــــــــــــــــرحتني

عندما يسكت الاحساس

هاكتب حلمي جوه سطور

عمري ماهمنع عنه النور

هامسح حزني من جوايا

واعمل لجراح قلبي دوايا

للحبر اللي عملته بدمي

ودفنته ف احزاني وهمي

زي الشمس ماغابت اغيب

وزي ما ايدك سابت قلبي

انا برضه هاسيب

اللي بنيته ف لحظة اتهد

ازاي انسي الأمل اللي إنا عشت معاه

حد يقولي ازاي انساه

وازاى احلم بالصبح اللىانا عشت احلم بطلوعة معاة

حاسة بقهر الدنيا بحاله ف قلبي وروحي

حاسةان انا من كتر الامى بزيد الاة لجروحى

حاسة باليل والام وضلام وغيوم وعزاب

حاسة بان انا مش ف الدنيا وقلبي قفل علي نفسه الباب

لو حد هايشعر بجراحي

كان اتعزب اكتر مني

واللى مصبر قلبى اكمنى كنت وفية لاخر لحظة

ولا خنت القلب اللى جرحنى وقتل الحلم

الحلم اللى بنيتة بقلبى ولا كنت اتمنى يبعد عنى

بس خسارة والف خسارة اللى بنيتة فى لحظة اتهد

الدين لله ياعالم

الدين لله ياعالم

للرد علي محمد حجازي المسلم اللذي اصبح مسيحيا هو وزوجته

اللذي قال ف تسجيل فيديو له انه مستغرب ازاي محمد خير البشر

وبيرفض يعبد ربنا عشان هو شايف ان ربنا في برج عالي

ربنا يهديه ويسامحه

ولكن

لا تسيء لمن خلقك ومن خلقت كرامة له

*****************

شوف يا محمد حجازي ياصاحب الدين الجديد
اسلامنا شيء اكيد اساسه من حديد
مش ذنب كل دينا فكر اتبني بالغلط
ومعلومات غريبه عن ربنا المجيد
بس انت ليه فهمت رب الكون مفهوم شديد
عاوزة اقول يا اخ ليا بأي دين مهما تكون
ربنا رب العباد يقول لاي شيء يكون
مش ايمانك هو بس هايعدل الكون او يهده
انت كان مفتوح ف قلبك 100 طريق والجهل سده
اخدت معلومات في حق رب العالمين
عشت بين اهلك وفي كتابك سجين
قولي مين حكالك عن رسولنا او الاهنا قولي مين
مين اللي قالك انه مش احسن بشر
رسولنا قال لعوبُاد الحجارة والنار والبقر
ان ليكم دين وليا دين انا حر بيه
مجبرش حد عشان يروح للدين معاه
وكان جيرانه مش نصاري لا كمان كانو كفار او يهود
كانو بيفنو ف اذاه من غير حدود
وبرحمته كان مبيردش اذاهم
لا وكان بيودهم في وقت ضيقهم او عياهم
مين اللي خانه وخاض في سيرته
دا كانوا اعدائه بطيبته وبامانته بيشهدو
وتيجو انتو تشردو
ف سيرة خير خلق الله شفيع العالمين
قولي مين؟؟؟؟؟؟؟؟؟؟؟؟؟
ابدا برب الكون
رحيم حنون وودود
نبدأ بفكرك عنه اللي مالوهش وجود
ممكن سؤال
ازاي بعقلك تعبد بشر
سيدنا عيسي كان رسول
وكان بيعبد ربنا زيي وزيك بالاصول
والخيانه حولت طريق ديانته للرماد
صاحبه خانه واتصلب
وربنا عشان حنون
وارحم مما تتصورون
رفعه لسماه
علشان الاهنا رب كون
بيحبنا وبرحمته بيعزنا لو تعلمون
كان عيسي ليه دين صحيح
من عند ربي وربكم
هاصرخ واقولها بالفصيح
كان عيسي حب من السما
كان ملحمة ورسولنا برضه قصه معدش منه في البشر
ولاني مش هاعرف اوصل فكرتي
لكن هاقولك اني مش عاوزة لشهود
وان عيسي راح يعود
عشان يدمر كل السدود
دا هو بشر بالرسول
قال جاي بعدي احمد اسمعوه
ولا كل كلامه صدق وعند دي هاتكدبوه
عاوزة تفهم ان رب الكون
بعت عيسي بدين واضح جميل مفهوم
دا لان رب الكون دا كان الحب ليه وليهم
قاله انزل لاحبابي وعبادي عرفني بيهم
قولهم اني وهبت الكون اليهم
وعلمه معني المحبه والصلاح
وقاله انزل ووجهه لدين من ديانات السماء كان دين فلاح
مننكروش
بقولكم مبننكروش
بننكر خيانه وفهم كان قدرا غلط
الناس بعقلهم هانوك والله غني عنك ياسيدي
الله غني ومقلش اننا نكرهك
قال لو بايدنا نضربك
ولو مش مؤثر ننصحك
ولو مش بتسمع ندعي بقلوبنا للطريق الصح انه يرجعك
انا مش باعرف اقول مواعظ او خطب
ولا باعرف انصح بس قلبي عليك ودا من غير سبب
مات الرسول اغلي البشر وساب عقيده وحب دين راح نورثه
معرفش حد يحرسه
الحب والكره ف قلوبنا اكيد نسب
مبنحكموش احنا بلون او بدين لازم سبب
مش راح احكي كلام كتير
انت كده في خانة السياسه
مش اذيك الدين ف شيء
ظلمك كان من قرايبك والعساسه
ونبينا منك بريء
يبقي ابعد روح لحالك
واوعاك لسيد الكون تسيء
غلطو في التعبير معاك
كان سبب قسوة قلوبهم مش عداوة لا غلاك
كان واجبهم ينصحوك ونفذو
يلا بكفايه كلام
ولما اشوفك ف السما
راح تشوف مين اللي خدعك ووراك المنام
وراح تشوف رسول الله حبيبنا ازاي رحيم خير الانام
بس لحظتها مش هاتلقي ليه كلام

قالي وقلت

قالي انا باحلم بيكي كتير

قلت انا باحلم اكتر منك

قال طول عمري عليكي بغير

قلت دخلت في دايرة ظنك

ظنك فيا ان انا مش صح

ظنك دا اللي ف قلبي جرح

عارف ليه خليتني بعيد

علشان باهانتك هديتني

عارف ليه حزني بقي شديد

علشان بكلامك صديتني

عمري في يوم مانسيت احلامي مع احلامك

ولا مره قدرت في يوم انسي انا حتي كلامك

اسمك جوة القلب بينزف

ولا منه حروف باقدر احذف

انت قسيت وقتلت هوايه

وجراحك ف القلب كفايه

ابعد خليني لوحدي احلم

انا مش عايزة اعيش وياك

ابعد خلي القلب يسلم

دانا كانت روحي بتهواك

وقبل ماتمشي علم قلبي

يحزف اسمك من جواه

من بعدك مجروحه وربي

وعلم قلبي ينسي هواه

القلب جاني

القلب جاني وقال مكسور

قلتله تسلم

مش عارفه ليه بيعلي السور

الله اعلم

ياقلبي هدي اللعب شويه

خليك قريب هنا جمبي

اوعاك تزيد وتجرح فيا

دا الذنب ذنبك مش ذنبي

واسمع ياقلبي ياحنين

ليه مداري حبك ماتبين

عايز تقول انك راضي

بالوحده ودا بقي شيء عادي

لا ياحبيبي

منتاش فاضي ومنتاش قاضي

والقلب جاني وقال مكسور

قلتله تسلم

مش عارفه ليه بيعلي السور

الله اعلم

الجمعية ازاي زمان

الجمعية

زمان وأنا كنت لسه جايه بيبي عالمكان

حسيته دافي حب روح مليانه بالحنان

ووقفت وقفه ويا نفسي قولت اشوف مكان

أحس فيه بطيبه وألاقي فيه أمان

وست من زمان قالت هابنى المكان

ودفعت ليه حياتها ودافعت عن حاجتها بالعقل واللسان

ماقلتش راح زمانى قالت دا جاى زمان

أبله ماجدة روحها صافيه وقلبها كريم

أستاذ عصام دا جوزها بس راجل فى السليم

أستاذ سيد دا خبر عارف فى كل شئ

شايل هموم كنيره عصبى وقلبه برئ

أستاذ رافت دا ماسك كل شئون المكان

دماغ والقلب واعى فى تاريخه من زمان

كتاب مفتوح لناسه بس افتحله الودان

صفاء شمس المكان

وأبله منال قمرها

وكل اللى تبعهم من خيرها أو أسيرها

وموره جت جديد وزينب حصلتها

قلوب من الحديد بالرغم من طيبتها

رواء ومى واحمد

دول ماسكين القروض

وفى محو ألاميه عاملين زى القرود

لوسبتهم يفنو نشاط مالوش حدود

أستاذ فراج وهانى و أستاذ عبدالحميد

ومحمد جه معاهم من فتره مش جديد

ناهد سماح وفاديه ودينا ورندا كمان

شباب زى العسل كانوا فين دول من زمان

ايمان وشرين وأوجى ماسكين شئون أسرنا

بيحلولهم حياتهم ويشيلوا اللى كاسرنا

وأحلى ما فيها طبعا ولادى كلهم

دول عشقى ودول حياتى ومن قلبى بحبهم

بحب اعيش معاهم واحب اسمعلهم

ضحك ولعب وهزار والرقه طبعهم

وأخيرا عاوزه أقول أنا هافضل أحبها

باحب حيطانها خالص وبحب أرضها

لما ابعد لحظة عنها برضه بارجعلها

وبحب ناسها جدا وبحب اسمها

وباسالكم سؤال

مين قدي حبها ؟؟؟؟؟؟؟؟؟

لجنة زكاة الرحمن

من بـــدري نـــــــامية ف عقلهم فكرتها

وكل فكره وفكره ليها سبقتها اللي شدتها

مش من هوا الفكرة دول عارفين بفايدتها

وكتير قلوب غـــرقت وجت قشايه نجتها

قـــالــو نحدد مكــان ونسيبهـا ع المنــان

ومسكو أيد بعضهم وقالــــــــوا يـــاحنان

جوانــا قلب مــــلايكه لكن جسد إنســـان

ولقوهــــــا سموهـــــــــا بلجنة الرحمن

لـجـنـة زكــــاة رحمن قويــــة بـجــــــد

وقـــــايـمه بـمـهـــارة وهـمــه وجــــــد

وناس للخير بتعشق والحب فوق الحــــد

قايمين بعمدانها من غيــــر تمن ولا رد

وزي مضغــه تــبــقــي طفـــل رضيــع

بـيـبـقـي حـاكـــم ويــــحــدد المــواضيع

الفكــــرة كبـــرت بشكـــــــــل سـريـــع

وكـــــأنهــــا لـــوحـــه ورســـم بــديـع

قـــالـــوا نــجــيـب مكن ونبدأ المشروع

ونحسب الحسبــة ونشـوف إيه الموضوع

ونجحت الفكــرة وبقــالها صوت مسموع

وزودو المشاريـــع ودا حــق مش ممنوع

نـــجـحـت بـــســبــــــب الاسـتـشـــــارة

مش بـــالــتـحـــدي والإمـــــــــــــــــارة

ولــخيــرهــــــــــا 100 مــلـيــون اماره

مش بس بـالـكـــلـــــمـة لا بــالإشـــــارة

بنك الطعام مد أيده وجت وراه الأورمان

وكـــــــــل قلب كبـيـر جــوه ملاك إنسان

وقــــــــــــــادو لـلـفـقـرة فـانوس رمضان

بــــــــــأكله للجــايع وهـدمـة لــلبردان

حروف

ج , م , ع , ي , ته مربوطة

ن , س , و , ي , ته مربوطة

جوه قلبي ياحبيبتي أنتي محطوطة

قلبي فيكي شابك وأنتي بقلبي مربوطة

بحبك حب تام

مش كلمه والسلام

دي ألفه وانسجام

بتزيد ف كل عام

خمس سنين معاكي

بعشق أرضك هواكي

بعدي عنك هلاكي

روحي وقلبي فداكي

ياكل الدنيا دي

أوعي تقسي علي

عمري ليكي هديه وانتي هديه لي

انت

عاوزة ابعد عن عيون الكون بحاله

عاوزة ارجع للعدم كان حالي ماله

انت!!!!!!!!!!!!!!

اسمعني هاقولك حاجه واحده

ايوة انت!!!!!!!!!

عاوزة اقولك اني حبيتك وحبك خد حياتي مره واحده

من العدم حد السحاب

وراح رميني للتراب

انا كنت ايه ؟ كنت فين ؟ كنت مين ؟

مكنش ليا حتي اسم

واتولدت مابين كفوفك

لقطت نفسي جوة جوفك

رضعت من خوفي وخوفك

واذا كنت شايف اني شيء سيء تاكد

فانا من نبض احساسك نبض قلبي

واذا كنت شايف اني غدري دا شيء مؤكد

فانا اللي بين كفوفك جيت وانت اللي كنت بتربي