الصمت مش معناه خرص
الصمت صوت بيرن رنات الجرس
الصمت فن ميعرفوش غير حد ناوي يعيش سعيد
الصمت دنيا وكل أيامك تعيشها جوه عيد
الصمت قوة وكبرياء
بيعلمك معني النقاء
الصمت مفقود ف البشر
والغش وكلام الرياء
زاد وانتشر زي الوباء
مستغربين علشان بيطلع مني صوت
عاوزني ايه ادفن علاقاتي واموت
انا يوم ما قررت اني اسكت كانلي قوانين للسكات
مش هابقي زي اللي فضل يكتم ف صوته وطق مات
اسكت عن اللي مالوش جوة حياتي وجود
اسكت عن اللي اخطأهم مالهاش ردود
اسكت ف حالات الكلام بيجيب الم
اسكت وسط الكلام اللي يودي للعدم
ليست هناك تعليقات:
إرسال تعليق