قــرفـــــانين والله منكـــم قـــرفـــانين
واحنا في عمر الشباب شخنا سنين........قرفانين
هدتونا وخلوتنا مشتتين...... قرفانين
ورتونا الدنيا طين وقلبنا اصبح حزين........قرفانين
م الغلا هانموت ياعالم مخنوقين........قرفانين
داحنا بكره مش بعيد نشحت نمد الأيد متسولين........قرفانين
طول مافيه 100 ايد بترأس مركبتنا احنا برضه مهددين........قرفانين
اندهوا جناب السياده قولولو دقنا بالزيادة وشبعانين...........وشلنا طين
بس ياخساره بهاتي إحنا فين وهو فين
لو يجينا هايلاقينا مغيرين.....ومكشرين
غير طبعنا ماحنا اصلا بالصراحه بالصراحة........قرفانين
وزي ما فينا سكاري مغفلين فينا برضه مهللين
بيذيدولنا البله لحياتنا اللي طين
وإحنا مش ناقصين بلاوي داحنا أصلا ........مليانين
لو سألتم هما مين؟؟؟؟؟؟؟
اللي جرحوا قلبنا وإحنا أصلا مجروحين
تخرص الألسن ونبقي ........مكفوفين
نترعش ونقول دا برد وإحنا م الخوف .......... مرعوبين
نفسنا ف ناس كلمة واحده حتي لو ..........مستعمرين
يقتلو الفقر اللي داسنا من الليلادي ومن ...... سنين
نعمل ايه بنقول كلام من زهقنا أصلنا ......متلخبطين
ياهل تري مين اللي ظالم فينا مين ؟؟؟؟؟؟
اللي ماتوا جوع وبرد ولا هما المحتاجين
ولا هما إخوانا البعاد ........... المجرمين
اللي ف حياتنا هما ديما مؤثرين
قصدي يعني .......مخربين
لو عرفتم هما مين ارفعوا الأيد اليمين
وصحو إخوانا اللي ناموا واعذروهم
أصلهم م الشغل جايين تعبانين
واندهوا وقولو ياريس .......فوق دماغنا مضروبين
انجد الباقي ف شعبك من فتاوي الملعونين
دول عصابه ومجرمين
وانت ريس لينا احنا ولا ريس
ويا مين ؟؟؟؟؟؟؟؟؟؟
اوعي تصدمنا ياريس دانت حالف 100 يمين
وإحنا شعبك
ايوة فينا مذنبين
بس برضه فينا ناس طيبين
متعلمين ومعلمين
وبرضه في طاحونة بلدنا مطحونين
ارحمونا داحنا وحياتك ياريس
إحنا وحياتك ياريس
قرفانين!!!!!!!!
حلوة بس كل دا قرف
ردحذفالله يعينا بقي
ههههههههههههههههههههههه
الرومانسيه
كلام
ردحذفمفيش احسن منه واللي يقول عير كده يبقى الاحسن تسيبك منه
ربنا يخليكي لينا ونسمع منك كلام احلى واحلى
0موني0
ميرسي يااحلي موني ف الدنيا انتي احلي حاجه حصلت ف المدونه
ردحذفبحبك مووووووت يامو ملك
مع ان اللي يقراها يروح السجن انما انتي مبدعه ربنا يزيدك ابداع عشان تزيدينا من موهبتك الجميله
ردحذفحتي اسمك جميل
وعاوز اقول ان لو عيونك اللي ف الصوره فانا اسف لو قلتلك انهم اجمل عيون شفتهم مع انها حزينه
لكي تحياتي واحترامي
د. مصطفي الدالي
لا متخفش محدش هايروح السجن غيري
ردحذفههههههههههههههههههههه
وشكرا لرقة كلماتك