إحساس مش عارفه أقوله إحساس ميتوصفش
أنا عشت عمري طوله عايشه ف الدنيا قفش
حرب وقلبي الضعيف دخل فيها ومخفش
المشروع اسمه ضحكه ورا بابا بيتنا السعيد
نملاه راحة وسعادة وطيبه وحنان أكيد
وهانمحي عيوبنا خالص وها نبدأ من جديد
وشروطي هي بيت رايق وكله راحة
وكل ركن فيه مليان حب وسماحه
وكل يوم في قلبك هاعمل رحلة سياحة
ننقل من الهدف ونروح علي الوظايف
أنا هابقي كل حاجه ودا عشان تبقي عارف
وأنت مدير الإدارة وعلي كل حاجه شارف
والميزانية ياسيدي مالهاش حدود نهائي
ملايين من المشاعر وشويه عقل باقي
أطنان طيبه وحنان مفيناش من الهوائي
ومتنساش وأنت طالع تاخد أيدي بأيدك
من خبراتك تزيدني ومن خبراتي هازيدك
وأنا هابقي زي ضلك زي الدم ف وريدك
هافضل طول عمري ماشيه خطوة بخطوة وراك
وهاتبقي وظيفتي راحتك وأنت سعادتي رضاك
وهاتبقي حياتنا شركة علي هوايا وهواك
وأنا ليا نسبه ثابتة ف الحب والاحترام
لو قلت يوم ونقصت هانغير ف الكلام
وهاتبقي الشركة فاشلة ومالهاش اهتمام
لو مره جرحت قلبي ونسيت الانسانيه
تأكد .....تأكد هانصدم وهابقي شرانيه
هافوت غلطه ليك وتفوت غلطه ليه
وعشان تبعد نهائي عن قلبي مايهلكه
خليك معاه رومانسي ( حنين ) وأنت هاتملكه
وتشكل فيه براحتك تبنيه وتدربكه
أنا كده خلصت يلا امضي هناك ف اليمين
وقبل ماتمضي احلف خمسين مليون يمين
انك هاتراعي ربك فيا وهاتكون آمين
حلوة كتير الله يعطيكي العافيه
ردحذفريماس
ميرسي علي ردك ياريماس
ردحذفانا سعيدة بتشريفك
ورايك ف القصيدة دي بالذات كان يهمني
مشكوره ياقمر اشوفك علي خير في بيتنا التاني علي اساس ان المدونه بيتنا الاولاني
i love you
ياتري انا ممكن امضي ف اليمين ولا دي لواحد بس
ردحذفلومسموحلي امضي يبقي من حظي
لو لواحد بس يبقي يابخته
هههههههههههههههههههههههه
ربنا يسعدك دنيا واخره
د. مصطفي الدالي
اللهم امين
ردحذفبس فيه واحد مضي خلاص ربنا يخليهولي القصيدة اتكتبت بعدماجه بمثابة عقد او وثيقة حياه جديده
ابقي امضي حضرتك من الشمال بقي كشاهد علي الوثيقه
هههههههههههههههههه
خساره
ردحذفليه يادوك خساره
ردحذفربنا ميجيبش خساره