ياخيبتك ياقلبي
اضحك ياقلبي يا حزين علي خيبتك
ضعت ويا الناس وضاعت هيبتك
ماكنت فاكر انك هاتكبر
والناس
جرحوك محسوش انك أنت رقيق
وف بحر اوهامهم وقعت غريق
وأنت اللي زي الطفل طاهر وكنت بريء
تهموك بتهمه مالكش فيها أيدين
والحق عندك وأنت صاحب الدين
مع ناس خانونا ولعبو بينا سنين
تهموك بكدب وعمره ماكان فيك
ومشيت وقعدو قال يشاوروا عليك
والدنيا سحبت ايدها من حواليك
والله ياقلبي عليك لأكون شمشون
لحد ما الخاين عليك هايهون
وبيك راح اقوي وأهد بيك الكون
عارف ياقلبي انك وحيد مجنون
بتدور علي قلب رقيق وحنون
ووقعت فاللي قدر يسيب ويخون
أوعاك تخاف من رفعة الأسلحة
ولا قلب متعود علي الانزحه
والبعد عنه ليك أكيد مصلحه
عارف ياقلبي ياحمار الحمير
هاعمل عليك أنا 100 حرس وغفير
كانك هاتترقي وتبقي الزير
والكل يشرب من حنانك شرب
والناس هاتتمني إليك القرب
وأنت حديد سايح وفيك اتصب
لأن الحضارة أنثى ..ولأن القصيدة أنثى ..
ردحذفوسنبلة القمح أنثى .. وقارورة العطر أنثى ..
وباريس بين المدائن أنثى .. أريدك أنثى ..
وحشتينى يا ؟............
ههههههههههههههههههههههههههههههههههههههه
ردحذفاسمها بس يجنن
ههههههههههههههههههههههههههه
ياخيبتك ياقلبي
والله برافو عليكي
انتي حقيقي مبدعه
عشان متحتاريش الكومنت السابق دا بتاعي
ردحذفد. مصطفي الدالي
برافو عليا ان قلبي خيبان ولا برافو عليا ف اختيار العنوان
ردحذفشكرا لكلماتك الرقيقه برضه يادوك مصطفي مع اني مش عارفه الضحكه دي اعجاب بالعنوان ولا سخريه منه
قولي بقي انت قريب سعد الدالي ولا حاجه
ههههههههههههههههههههههه