بحبك يامصر
بحبك يامصر ...... ياسكنه قلوبنا وعملاها قصر
بحبك يامصر ............ بحبك وديما أشوفك ف نصر
بحبك يامصر ........ بحبك ياعشقي ودرة كل عصر
بحبك بحبك بحبك يامصر
ولادك يابلدي وروحنا فداكي
وعايشين ف خيرك بأرضك سماكي
هناهم يابلدي ولادك واتني ولادك هناكي
ملامحي بملامحك
شبه لوني قمحك
ورمشي شعاع جي من ضي شمسك
وتقسي عليا واحبك واسمحك
وادوب فيكي اكتر ف عشقك وفرحك
ويوم ماوصفك راح اعجز ف وصفك
عشان قلبي حبك وروحي ف صفك
بحبك بحبك بحبك
بحبك لانك
قمر طل من بعد شمس الأصيل
وليلك بيسحر نهارك جميل
هواكي معطر بعطر الحياة
وقلبي ف حبك وصل منتهاه
ترابك دا روحي وحياتي فداه
ياكل الحياة
بحبك باحره وشعبك أصيل
وها ديكي ربك من الجنة نيل
وميه بتسحر كما السلسبيل
بتشبه ف صبحك لفضه يادوب
وتقلب دهب عند وقت الغروب
عشان كل دا أنا دايبه دوب
بحبك بحبك بحبك يامصر
ومين شم جوك ومحبكيش
وربي مفيش
ومين خاض ف شرفك وداسلك ف طرفك ونقدر نسيبه للحظة يعيش
دانا زي طير بعيد عنك أنتي ماليش حتي ريش
فعيشي ف حضني وأنا جوه حضنك يابلدي هاعيش
ومن أي كلمة ميهمكيش
لان كلامهم دا ميخصكيش
وميهزكيش
لأنك حبيبتي وفيكي بعيش
فميهمكيش
بحبك بحبك بحبك يابلدي
وفيكي راح أحيا وفيكي هاعيش
انا كمان بحبها قوي
ردحذفانا بشكر الظروف اللي خلتني ادخل مدونتك
ربنا يحميكي
د. مصطفي الدالي
مين مبيحبهاش
ردحذفعلي اسم مصر التاريخ يقدر يقول ماشاء
انا مصر عندي احب واجمل الاشياء
شكرا لزوقك
ويشرفني وجودك ف مدونتي
انا حسيت اني نفسي فعلا اكتب قصيدة علي اسم مصر هنا ف المدونه لاني بعشقها
ردحذفعلى اسم مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر
والله جميله جدا ومعبره عن الوطنيه بس انتى استخدمتى لفظ هدكى ربك نيل من الجنه لا لن انهار الجنه ليس لها مثيل على الارض ولان انهار الجنه لكل المومنين والنيل يشرب منه المومن والكافر
ردحذفانا مقدرش افتي ف الدين لكن زمان قريت ف كتاب اسمه بدائع الزهور في وقائع الدهور
ردحذفان النيل فرع من نهر ف الجنه
بصله كده مره ف الصبح ومره ف الغروب هاتلاقي كل حرف من كلامي صح
بس برضه انا مقدرش افتي